< Back to List

Newsletter - issue nbr7 - January 2014 – Innu aimun (Labrador)

01/27/2014

Tshimashinaimakuau utshimau mak pitu-utshimau

Nin utshimau uetshit kie ne New Millennium Iron Corp. (NML) kaishinikatet, tshuiatamishkatinan kassinu auenitshenat, ka tshitapatahk umenu mashinaikannu, ume ussi-pipun uetitshipanit.

Ka tutakanit ne atusseun, ashini kanushtakanit kie e munaikanitau (DSO kaishinikatet) shash tshekat tshishtakanu atusseun. Ne pipun 2013, Tata Steel Minerals Canada (TSMC kaishinikatet) tshitishaimupan 270 000 tonnes eshpish kushikuak ashininu nete ait assit. Anu tshika mishau ne atusseun tshetukuak uta 2014.

Neme atusseun ka natuapatakanit ashini Taconite, ka natu-tshissenitakanit tshetshi tshi tutakanukue, shash tshekat tshika tshishtapanitakanu. Neme tshe uitutamat ume pipun 2014, tshika ui mishkakanu peiku kie ma nishu atusseutshuapa tshe uitshiaushiht tshetshi tshishikashuht (anitshenat tshe aiaht ashininu) ashit etat Tata Steel. Tshika ui ashit natu-tshissenitakanu assi eshku eka tshitshipannanut e atusseshtakanit, uipat tshika ui tutakanu. Mishta-apatan ne tshetshi tapuetatishunanut anite innit, mitshet auenitshenat uitshiaushitaui tshika mishta-minuau.

Ninakateti neme ka utshimauian kie ka takuaitsheain anite NML neme 13 tshishe-pishimu 2014, ne utshimau Robert Patzelt nika mishkutapishtak, pitu-utshimauipan nete atusseutshuapit Scotia Investments ltée ka ishinikatenit. Anutshish nika pitu-utshimaun kie nika uitshiatussemau tshetshi tshissenitak eshinakuannit atusseunnu. Nishutshenimau tshetshi minutat atusseunnu tshe minakanit anite takuaitsheti anite NML mak tshetshi minupanitat nenu atusseutshuapinu. Nipakushenimau tshetshi mishta-minupanit. Apu muku tshiam tshika ut uitshi-atussemak ne utshimau Patzelt, neme ashit nika atusseshten atusseun Taconite nuash e tshishtapanitakanit.

...


Back to Newsletter list
SUBSCRIBE TO OUR MAILING LIST

To receive our newsletter and our news releases, please provide your email address below, then click on the subscribe button.