Nation Innu

Nation Innu

LABRADOR INNUT KA UAUINANIT

Innu Nation tshitshapantanipan nta 1990, ueshkat ishanikatakanipan Naskapi-Montagnais-Innu Association kie nta tshitshapantanipan 1976.

Naskapi mak Montagnais Innu itashanikatakupan akanishaua. Ntshe Montagnais Innu nete Sheshatshit utshapanut kie ntshe Naskapi nete Natuashish utshapanut (Enishantshi Innu assiua nukutanua nta nashuk mashaneikant).

Enishit Naskapi mak Montagnais Innut manuatamut enantutikuenanut kie mista ishpatenamakanu Atik. Ueshkat Innut nante akushpipant nte ka manashkuat Quebec- Labrador. Innut kaishanieuit  manuatamupant tshe tshi nashuat Atikua. Atik nashuakanipan nta Hudsons Bay kie Labrador kie Ungava Bay kie nete Labrador city usteshish. Nta tshitshapanipant uipat nta 1900's Innut tshe kushpit nte Hudsons Bay kaitauatshet tshekuana kie nete akushpipant tshe tshi nantutikuet nete kaishanikatet Indian House Lake nete George River.

Nta 1950's apu'tu  ishpash shutshit ne kaupakuess kie aimieun kie ne kaitauatshet tshekuanu. Nte ueshkat uinua kapakueshit kie Aimieu atshuap mishta ueuetnamupant Innu assiua. Newfoundland nta 1947 nashuepan kie tapishanipant nta ka tshetshamaut. Eshk' kie atu nastuapmakanit kie apu'tu manatshitapmakanit Innut.

Ne North West River, ne Kamit kaishanikatakau Innut tshitshapanipan 1743, kie ekute' Innu mak Akanishau mishkutunamatupant tshekuan. Innu ueshkat tshimatapant patshian- atshuapa nte' Kamit nta uiesh 1950's. Tshek akuet tukuak Sheshatshit nta 1979, Innut nikatamupant Kamit kie ui tipanashipant. Apu 'tu ui uitapmat Kamit  Akanishaua.

Eku'ta  tshitshapantanipan Innu Nation tshe tshi utshimamatuanit Sheshatshiu- Innut kie nentshet Natuashish Mushuau- Innut.

Ne Sheshatshit Innu First Nation ishanakutakanu , kutuass itashut ka uauitshiat Innu Utshimaua kie uin Innu  Utshimau peikuassu e' Innu-tshimaut. Ne Innu-tshimau uin nankatuatum ne kaueuetnakant  kie kauetashumakant Inuu- Assiua. Sheshatshit nta nastuapmakupan tshetshamaua 2006. Kie espashat assi nestuatakant 804 hectares.

Eku Natuashish Innu First Nation kie uinuau atanua kie uinuau  Innu- Utshimamuaukie neunua auenua euauitshikut . Natuashish Innu-tshimau nankatuatum ka ueuetashnakant Innu Assi. Natuashish apu shashish ipashtakant nta 2002. Natuashish Innut nte uitshipant ueshkat Utshimassit kaishanikatet. Nte ushte' Labrador uiesh 300 km ushte Appi pani-Kushpei, kie Natuashish uiesh tsha ispashau 4,267 hectares. Kapampant kie Mak ush mutsham tsha tshi iapatshianu ui nataikant Natuashish.

Nta Sheshatshit uiesh itashut Innut 1375, kie Uiesh tsha itashut Innut nete Natuashish 800.

Tshekat kassinu Innut nta Innu nation eshk Innu aimut. Mitshet kie Innut nitau Akanishau aimut.

Etu ui sentameku nta tshe nantussentamek mashaneikanit kaishanikatet http://www.innu.ca/